2018(e)ko abuztuaren 30(a), osteguna

Errenteriako Magdalenak 2018


Urtero bezala Errenteriako Asociación Fomento Cultural pintxeten txapelketa antolatu du, Gerardo Elkano Memoriala. Iaz bezala gonbidatu gaituzte eta hara Iosu, Félix, Aritz eta Tinin joan dira. Txapelketak ez-ohiko formatua eduki du, bi fase egon dira, lehenengo fasean talde guztiek, 12 ziren, beste talde guztien kontra jokatu dute liga batean. 

Fomento Clasificacion 1

Bigarren fasean taldeak 3 talde multzoetan banatu dira aurreko fasearen sailkapenaren arabera, eta bere multzoaren taldeen kontra jokatu behar zuen “bueltako” partida, eta lehenengo fasearen puntuak kontuan hartzen dira. 

Fomento Clasificacion 2

Gure taldea erdipurdi aritu zen eta lehenengo fasean 7. sailkatu ziren, eta bigarren multzoan jokatu behar zuten 5.-8. postuentzako lehian. Bitxikeriaz, nahiz eta 7. sailkatu bere multzoaren taldeen kontra oso ondo aritu zen lehenengo fasean, eta ondorioz 9 puntuekin hasi zen bigarren fase hori, multzoaren lehena. 

Fomento 3

Bigarren fase honetan, oso ondo aritu zen talde horien kontra eta ondorioz 5. sailkatu da. Hemendik eskerrak bidali nahi diegu antolakuntzari gonbidapenagatik, eta espero dezagun datorren urtean berriro elkar ikustea.

Fomento 1

2017(e)ko uztailaren 31(a), astelehena

Errenteriako Magdalenak 2017

Aurten ere Magdalenak jaietara gonbidatu gaituzte, pintxetak jolastera. Errenteriaraino Iosu, Félix, Javi eta Aritz joan dira, ez dute batere gaizki egin, trofeoa eta guzti eraman dute, bostgarren postuan sailkatu eta gero.

Magdalenas 2017

Txapelketak bi fase eduki ditu, Iosuri gustatzen zaion bezala. Lehenengo fasean denok denen kontra jokatu dute, eta bigarren fasean 4 taldeko multzoetan banatu dira taldeak, sailkapenaren arabera. Multzo horretan “bueltako txanda” jokatu da, eta taldeko sailkapenarako lehen faseko puntuak kontatu dira multzoko taldeen artean.

Magdalenas 2017

Eguzki Xake Taldeak lehenengo fasean bostgarren postuan sailkatu da, eta bigarren fasean bere multzoa irabazi du, beraz, esan dugun bezala, guztira bostgarren sailkatu da.

Magdalenas 2017

Argazki gehiago ikusi nahiz gero jarraitu hurrengo lotura.

2017(e)ko ekainaren 30(a), ostirala

Eguzki Xake Taldea - Club Escacs Santpedor

Apirileko 24an Club Escacs Santpedor taldearen aurka match bat jokatu genuen. Kataluniatik etorrita, asmoa zeukaten Donostiatik turismo pixka bat egitea, eta noski bere afizioa ere lantzea euskaldunen kontra. Lekaio kultur etxean jokatu zen, eta 8 partida helduen artean gehi 2 partida umeen artean jokatu ziren. Emaitza gutxienekoa da, naiz eta guztira guk irabazi, giroa ederra izan zen eta oso ondo pasa genuen guztiok. Hona hemen helduen partida bakoitzaren laburpentxo bat:

Eguzki Xake Taldea - Club Escacs SantPedor

Iosu – Albert Sanfeliu 1-0
Partida honetan gertatutakoa eta Iosuren sentsazioak oso desberdinak dira. Iosu ez zen gustura sentitu partidaren zehar, ez baitzuen plan on bat topatu, baina ordenagailuak esaten du posizioa berdinduta egon zela beltzak peoi bat sakrifikatu zuen arte. Sakrifizioa ez zen ona, baina, beti bezala, Iosuri denbora gutxi gelditzen zitzaion. Guk badakigu hori berdin diola Iosuri baina aurkariak ez eta Iosuk ez zion bigarren aukera bat eman eta puntua eraman zuen.

Eguzki Xake Taldea - Club Escacs SantPedor

Ramón Riera – Luis Ángel 0-1
Eguneko partida luzeena. Luis Ángelek defentsa eslabako bariante ez-ohiko bat jokatu zuen eta zuriak ez zuen modu onenean erantzun. Ondorioz berehala berdindu zen posizioa baina beltzak bakarrik joka zezakeen irabazteko. Hala hori, garaipena lortzeko zuriaren akats at behar zuen, eta hori gertatu zen zuriak gaztelu bat bi piezengatik aldatzea erabaki zuenean. Beltzen zaldia eta alfila gaztelua baina askoz ere boteretsuagoak ziren eta asko luzatu zen baina damen amaiera batean Luis Ángelek taldeko bigarren puntua lortu zuen.

Eguzki Xake Taldea - Club Escacs SantPedor

Félix – Josep Mascaró 1-0
Akaso partida “smooth”-ena. Erregeko defentsa indiarra jokatu zen (ez dakit zergatik Felixi behin eta berriro jokatzen dioten defentsa hau, beti irabazten du zuriekin), eta Felixek liburuan agertzen den plan osorik sartu zion. Bere erasoa damaren hegalean lehenago burutzea lortu zuen, lauki zurien alfilak aldatu zituen eta bukatzeko a zutabeko peoia bultzatu zuen dama bihur dadin.

Eguzki Xake Taldea - Club Escacs SantPedor

Ramón Botifoll – Javi 0-1
Siziliana itxia jokatu zen, baina zuriak zerbait gaizki egin zuen aperturan Javik erraz lortu zuelako abantaila damaren hegalean eta zentroan. Horren ondorioz zurien piezak oso atzean gelditu ziren eta endrokea ahulduta. Javik abantaila zeukala dudarik ez dago hala ere zuriak laga egin zuen momentuan oraindik partida asko zegoen aurrean.

Eguzki Xake Taldea - Club Escacs SantPedor

Claudio – Lluis Piñero 0-1
Claudioren partida ohikoa. Aperturatik ondo ateratzen da baina akats bat egin eta gero berdintzen da. Amaiera berdintsu batera iristen da, baina zaila dena eta orduan Claudiok azken akatsa egiten du eta galtzen du.

Eguzki Xake Taldea - Club Escacs SantPedor

Manel Fernandez – Eneko Martiarena 0-1
Esan daiteke Claudioren partidaren istorio berdina jarraitu zela partida honetan. Aperturatik, nahiz eta oso ondo jokatua ez egon, zuria abantailarekin ateratzen da, baina ez du asmatzen planarekin eta berdinketa emaitza izango zela ematen zuenean zuria erotzen da eta banan banan ia peoi guztiak galtzen ditu.

Eguzki Xake Taldea - Club Escacs SantPedor

Aritz – Raul Amado 1-0
Hau ere Aritzen betiko partida. Arrisku 0 da bere leloa eta horrela jokatu du aldaketako frantsesa bat. Baina Aritzen plana beti izan da aurkariari soka ematea berak bere burua urkatzeko, eta berriro lortu zuen. Hori bai puntu eramateko Aritzek teknika oso ona erakutsi zuen.

Eguzki Xake Taldea - Club Escacs SantPedor

Sergio Carrasco – Agustin 1-0
Egungo partida eroena. Bere estiloan Agustinek hainbat pieza sakrifikatu zituen aperturan zurien erregea zentroan gera dadin. Ordenagailuak esaten du zuriak zeukala irabazteko haina abantaila, baina tableroan erakustea beste gauza bat da. Zuriak materiala bueltatzea erabaki zuen baina honek posizioa berdintzen zuen, hala ere Agustinek berriro kalitate bat sakrifikatzea erabaki zuen, ematen du amaiera berdinduta zegoela, baina kalitate desabantailarekin jokatzea ez da erraza eta Agustinek laga egin izan behar zuen asko borrokatu eta gero.

Eguzki Xake Taldea - Club Escacs SantPedor

Partidak bukatu eta gero sagardotegiaren txanda zen. Eta hor, irabazi nahiz galdu, mundu guztia oso ondo pasa zuen. Hitz onak bakarrik daukagu bueltatzen badira prest gaude errebantxa ematera.

20170611_12015620170611_120147

Hemen ikusi dituzuen argazki guztiak Santpedorekoek ateratakoak dira, eskerrik asko pasatzeagatik, eta goian ikusten diren opariengatik. Eta noski, arratsalde oso on pasaraztea izateagatik!

2017(e)ko martxoaren 20(a), astelehena

Azken bi txanden kronikak

Euskadiko liga bukatu da, azkenean laugarren sailkatu gara, baina azken sailkapenak ez du istorio osoa kontatzen, pasa garen gorabeherak eta egonezina. Azken postean Sestao B kontrako kronika ikusi genuen, orain San Viator eta Easo A partiduen kronikak ikusik ditugu.

Eguzki-Urnieta 3-1 San Viator 

Nola joango ginen azken txandara denboraldiaren hasieratik erabakigarria ikusten genuen lehia. Ordua helduta, eta aurreko txandaren garaipenari esker, ez zuen hain larri iruditzen. San Viatorren taldea paper gainean oso zaila zirudien, baina Astasioren falta edozein taldean nabaritzen da, eta San Viatorren baita. Ikus dezagun nola joan ziren partidak.

Iosu – Igor Villalta 1-0

Iosuren aurtengo partida tipikoa, baina koloreak aldatuta! Villaltak Iosuk espero ez zuen eskema bat jokatu zuen, eta posizioa berdintzeaz gain, erlojuan abantaila handia lortu zuen. Espero zen bezala hainbeste pentsatzen denean, Iosuk ez zuen planarekin asmatu eta asko ahuldu zuen erregearen hegala. Hala ere, askotan gertatzen den bezala, eta Iosuri askotan gertatzen zaion bezala, errematatzea parte zailena da eta Iosu gogor heldu zen tablerora. Igorrek ez zuen asmatu eta Iosuk bere aukera aprobetxatu zuen, peoi bat promozionatu ez dadin beltzak zaldi bat sakrifikatu behar izan zuen, eta posizio txarrago batean bestea galdu zuen, eta hor bukatu zen partida. Kasu honetan ez zen Iosu izan denboraldiaren estutasunetan ezer ikusi ez zuena.

Alvaro Albaina – Luis Ángel berdinketa

Luis Ángelen jokoa pieza beltzekin oso solidoa da eta partida hau horren adibidea da. Philidor bat jokatu zen baina zuriak ez zuen abantailarako borrokatzen duen barianteak. Posizioa berehala sinplifikatu zen eta hortik gutxira berdinketa adostu zen.

Félix – Xoan Rodal 1-0

Beltzak ez zuen asmatu aperturan eta berehala nabarmen txarrago aurkitu zuen bere burua. Nolabait borrokatzen jarraitzeko pieza bat sakrifikatu zuen bi peoiengatik. Orduan Félixen txanda zen kale egiteko eta berak egindako maniobrak ez zuen fruiturik ekarri eta zentroa lagatzen zuen beltzen alde. Baina pieza bat gutxiagoekin zaila da jokatzea eta denbora gutxi gelditzen zaizunean zailago. Beltzak ez zuen defentsan asmatu eta Félixek bere pieza inposatu zuen.


Mikel Zubizarreta – Javi berdinketa

Javik oso erraz berdindu zuen posizioa aperturan, baina hortik aurrera ez batek, ez besteak, akats handirik egin zuten, eta ondorio logikora iritsi zen, berdinketa.

Emaitza honek azken txanda jokatu baino lehen jaitsieratik libratzen gintuen, ez hori bakarrik, une batez igoera postuetan kokatzen gintuen, hirugarren postuan laugarrenarekin berdinduta, Egidazu. Hala ere azken txandan Easo Aren kontra jokatu behar genuen, ez jaisteko lehian zegoena, eta Egidazu a priori errazago zeukaten maila galduta zeukaten Sestao Bren kontra. Aspaldi bezala azken txanda denok batera jokatzen dugu, eta aurten hau Getxon gertatu da. Ikus dezagun zer gertatu zen.

Easo A 2,5 - 1,5 Eguzki Urnieta


Xabier Bedauert – Iosu berdinketa

Iosu txapelketaren bukaeran martxa hartu du. “Dakidan gauza bakarra” jokatu zuen, eta berehala berdindu zuen. Zuriak irabazteko beharra zeukan eta irabaztera jokatu zuen. Ez dakigu sakrifikatu zuen edo galdu zuen, baina zuria peoi baten desabantailarekin aurkitu zen nahiko sinplifikatua zen posizio batean. Orduan erabakigarria izan zen momentura iritsi ginen, Iosuk konbinazio bat ikusi ez zuenean, ondorioz askoz ere gehiago sinplifikatu zen posiziora, eta nahiz eta peoi baten abantailarekin jarraitu iritsi zen alfil vs zaldi amaierara emaitza litekeena beti zen berdinketa. Txanda osoko bukatzeko azken partida izan zen.

Luis Ángel – Juan Carlos Lakunza berdinketa

Luis Ángelek aperturan arriskatu zuen, eta ez zitzaion ondo atera, eta berehala ia galduta zegoen posiziora iritsi zen. Azpimarratu behar dugu ia, ordenagailuak ere ez baitu aurkitzen jarraipen erraz bat partida irabazteko. Baina orduan iritsi zen akatsen karrusela. Lehendabizi beltzak utzi zion zuriari erregearen ingurua asko ahuldu eta bidean bi peoi galdu galdu zituen. Baina zuriak ez zuen hori aprobetxatu eta detaile taktiko bat ez zuen ikusi, printzipioz dorre bat galtzen zuena baina etengabeko xakea usten ziona. Detailea hemen dator, beltzak ez zuen dorrea jan behar, erregeari mate egitera joaten bazen partida irabazita zeukan. Eskerrak Lakunzak dorrea jan zuela eta berdinketan amaitu zela partida.

Eduardo Sanz – Félix berdinketa

Partida honek ez dauka istorio handirik. Bird apertura jokatu eta gero Félixek berehala berdindu zuen posizio baina ez zuen asmatu planarekin. Pixka bat sinplifikatu eta gero zuriak berdinketa proposatu zuen eta Félixek ez zuen arrazoirik ikusi proposamena ez onartzeko.

Javi – Aritz Abalia 0-1

Partida oso konplikatua izan zen. Ematen zuen abantaila txiki batekin atera zela Javi aperturatik, baina zehaztugabetasun batzuk egin eta gero abantaila beltzen eskuetan erori zen, eta ja ez zuen laga. Berehala peoi bat irabazi zuen eta oso ondo bihurtu zuen puntu osoan.

Tamalgarria da azken txandan galtzea, honek igoerarako itxaropenak zapuzten zituen, baina denboraldiko hasierako objektiboa bete dugu, eta pozik egon beharko ginateke.

Hemen denboraldiaren zehar ateratako argazki batzuk.

Liga Vasca 2017

2017(e)ko martxoaren 3(a), ostirala

Sestao B 1 - 3 Eguzki-Urnieta

Azkenean emaitza oso on bat. Garaipen honekin lasaiago arnas dezakegu, baina ez oso lasai hurrengo bi aurkariak oso gogorrak izango direlako eta ez jaisteko borrokatzen ari direlako. Ikus dezagun zer gertatu zen partidetan banan banan.

Ramón Sánchez – Iosu berdinketa

Berriro ere Iosuk zorte txarra eduki du. Beltzekin ondo atera zen aperturatik zuriak ez zuelako oso fin jokatu, eta truko batean eroriz gero peoi baten desabantailarekin aurkitu zen. Baina orduan iritsi ziren denbora estualdia eta horretan, aurten, Iosu ez dago oso fina eta, nahiz eta bigarren peoi bat irabazi ez zuen irabazteko era ikusi dorre bikoitz baten final batean eta mamu batzuk ikusi eta gero posizioa errepikatzea erabaki zuen.

Félix – Eneko Wu 1-0

Oso garaipen ona Félixena. Beltzak Budapest gambitoa jokatu zuen, baina Félix prest zegoen aurre egiteko eta berehala abantaila txiki bat lortu zuen, eta, agian garrantzi gehiago daukana, bere gustuko posizioa lortu zuen. Pixkanaka presioa handitu zuen, eta azkenean beltzen posizioa apurtu zen. Errematea ez zen oso klinikoa izan, baina emaitza ez zen inoiz dudetan egon.

Fernando Estéfano – Javi 0-1

Javiren sizilianaren kontra, berriro ere Maroczy jokatu zuen txuriak. Calasanz partida eta gero egindako errepasoa fruitua eman zuen eta apertura eta gero oreka dinamiko batera iritsi zen. Orduan Javik kalitatea sakrifikatzea erabaki zuen oso posizio korapilatsu batera iristeko, baina bere ustez beltzen jokoa errazagoa zena. Horrela frogatu zen eta akats handi bat egin zuen azkena zuria izan zen eta puntu Javiren zorrora erori zen.

Iñigo Oriza – Claudio berdinketa

Berriro ere Claudiok partida tamalgarri bat jokatu zuen. Aperturako mugimendu ordenarekin nahastu zen eta 7. mugimendurako galduta zegoen e4 peoia galdu eta gero. Hala ere hala nola aguantatu zuen eta denbora estualdira galduta iritzi arren, aukerak zituen aurkaria engainatzeko. Eta orduan miraria gertatu zen, Claudiok dorre bat sakrifikatu zuen eta zuriak jatea erabaki zuen. Claudiok aprobetxatu zuen posizio isteko eta irabazten saiatzeko beltzak pieza bat sakrifikatu behar zuen. Zuriak ez zuen momentua ikusi eta 30 segundo inkrementoarekin zegoela berdinketa eskaintzea erabaki zuen.

Azken aurreko txandan San Viatorren kontra tokatu zaigu. Iaz ohorezko mailatik jaitsi ziren eta momentuz ez dira ondo moldatu kategoria berrira. Espero dezagun orain ez hastea.

2017(e)ko otsailaren 19(a), igandea

Calasanz 2,5 - 1,5 Eguzki-Urnieta. Eguzki-Urnieta 2,5 - 1,5 Fomento

Lehendabizi barkamenak kroniken atzerapenagatik, erreportari honek ez du denborarik izan bere betebeharra burutzeko. Joan gaitezen zer gertatu den azken bi jardunaldietan ikustera.

Hasteko gure bisita Calasanzera. Lehen arazoa autopistan, despistatu ginen eta Burgos ikusi genuenean ohartu ginen irteera pasa genuela, ondorioa berandu iritsi ginela. Hemendik gure eskerrak Calasanz taldekoei itxaroteagatik. Bigarren arazoa, Javik oso berandu zuela bere partida (honi buruz gero gehiago), ondorioa oso berandu iritsi ginela etxera. Hemendik gure eskerrak gure bikoteei ulertzeagatik :). Orain joan gaitezen partidetara.

Josetxu Knorr – Iosu 1-0

Ez dakit Iosu aurten “El día de la marmota” edota baratxuria eredu hartu duen, baina behin eta berriro errepikatzen du gauza bera. Aperturatik ondo atera zen zuriak ez zuelako bere planarekin asmatu, eta ia abantaila erabakigarria lortu zuen zuriak kalitatea sakrifikatzea erabaki zuenean. Posizioa itxita zegoen eta Iosuren dorreen abantaila ez zen asko nabaritzen baina berehala ireki zen. Iosuren dorreak askatasuna lortu zuten, baina zurien alfilak ere bai. Oso denbora gutxirekin erlojuan (azken finean Iosu da), andoaindarrak ez zuen asmatu erremateekin eta xake kontinuo posizio batera  iritsi zen, Iosuk ez zuen admititu nahi berdinketa zela eta mate eman zioten.

Félix – Carlos Pastor berdinketa

Félixek bere errepertorioan apertura berri bat jokatu zuen eta ez zen asko nabaritu, berehala abantaila txiki bat lortu zuelako. Hala ere gero ez zen atrebitu egin behar den plana egitera, bere erregearen ondoan aire asko uzten zuelako, eta horrekin bere abantaila gehienak ere agur esan zion. Azkenean berdinketa.

Daniel Ochoa de Oribe – Javi berdinketa

Partida luzeena, ia 120 mugimendu iraun zuena. Danielek egindako plana Maroczy posizio batean Javik ez zuen oso ondo ezagutzen eta zuriak abantaila lortu zuen. Baina xakea %90 kalkulua da eta ematen zuenean zuriak bere abantaila handitu behar zuela akats bat egin zuen. Peoi batek promozionatu egin behar zuelakoan babesik gabe utzi zuen aurreratuz, baina peiak ez zuen promozionatzen eta Javik jan zuen, eta zaldia alfilaren kontra amaiera batera iritsi zen non Javik peoi bat gehiago zeukan, eta momentu batean bi peoi gehiago. Baina beltzen txanda zen akatsak egiteko eta peoi baten abantaila izatetik peoi baten desabantaila izatera pasa zuen. Baina hemen Javik kemena atera zuen eta imajinazioa aplikatuz lortu zuen damen final batera pasatzera zuriak dorreko peoi bakar bat zuela. Hurrengo 50 mugimendutik 48 xake izan ziren zuriak berdinketarekin konformatu behar zuela konbentzitu arte.


Claudio – Igor Gallastegi berdinketa

Istorio gabeko partida. Claudiok gaizki jokatu zuen apertura eta beltzak berehala eskuratu zuen iniziatiba. Claudiok defentsa on bat topatu zuen, pieza asko aldatzen zituena eta kolore kontrako alfilen amaiera batera behartzen zuena eta berehala berdinketa adostu zen.

Berriro ere gehiago lortu genezakeen, behintzat porrota ez, baina horrekin konformatu behar.

Orain zer gertatu zen Fomentoren kontra ikustera pasako gara. Biok behar genuen garaipena eta giro urduria nabaritzen zen jokalarien artean. Gainera Iosuk ezin zuen jokatu eta gure lehen mahaiarik gabe oso zaila izango zela antzematen zen, baina Luis Angel killer moduan etorri zen, beno hori ikusiko dugu partiden laburpenean.


Luis Angel – Juan J. Saenz 1-0

JJ-k bere holandesa jokatu zuen, Luis Angelek lasai jokatu zuen eta abantaila txiki bat lortu zuen. Partida aurrera joan ahala gero eta gehiago nabaritzen zen f7ko peoia ez zegoela bere lekuan, eta batez ere, a8ko dorrea (orain d7n kokatuta) jokoz kanpo zegoela. Abantaila posizional hauengatik zuriak beltzen erregea erasotzea erabaki zuen, eta denbora gutxiekin beltzak ez zuen defentsarekin asmatu eta Luis Angelek oso partida polita bukatu zuen irabazten.


Iñigo Galarza – Félix 0-1

Agian Iñigoren partida eta Claudioren partida berdin laburtu daitezke. Apertura txarra jokatu eta gero, eta posizio txar batean denbora gutxiarekin erlojuan Hara-Kiri egin zuten. Felixen partida 19 mugimenduetan bukatu zen.


Javi – Hugo Alvarez berdinketa

Ematen zuen Javik, berriro ere, ez zuela jokatu zuten apertura ondo ezagutzen et a beltzak erraz orekatzea lortu zuen. Javiren plana ez zen oso garbi ikusten eta beltzen abantaila gero eta handiago egin zen. Orduan beltzak amaiera batera pasatzea erabaki zuen, bi dorreekin eta peoi bat gehiagorekin. Baina erabakia txarra izan zen, eta zuriak berehala kontrajokua lortu zuen. Momentua izan zen orduan beltzak akatsak egiteko eta Javik bi peoi irabazi zituen. Beharbada irabazteko aukeraren bat eduki zuen Javik, ez dago oso garbi, baina bukaeran berdinketa adostu zen.


Mikel Alvarado – Claudio 1-0

Ikusi Iñigo Galarza – Félix partidaren laburpena. Gehitu bakarrik Claudioren partidak 21 mugimendu iraun zuela.

Garaipena on bar lortu dugu, itxaropen ematen diguna maila mantentzeko.

2017(e)ko otsailaren 7(a), asteartea

Egidazu 1,5 - 2,5 Eguzki-Urnieta

Larunbatean Gasteizera joan ginen Egidazuren kontra jokatzeko. Aurten gaizki hasi dute liga eta esperantza geneukan irabaziko geniela. Lehenengo sorpresa berehala etorri zen, beraien lehenengo jokalaria, orain arte partidarik jokatu ez duena, prest zegoen Iosuri aurre egiteko. Beraien galazko taldea geneukan aurrean. Ikus dezagun zer gertatu zen.

Aitor Landa – Iosu berdinketa

Ez dakigu Iosuk ondoegi zekien apertura edo ez, baina berehala desbideratu zen bide teorikotik, hala ere ondorioa izan zen zuriak eskuratu zuela abantaila txiki bat, eta oso denbora gutxi geratu zitzaiola Iosuri erlojuan. Baina momentu horretatik Iosu hazi zen eta oso ondo jokatzen hasi zen. Momentu batean konbinazio bat deuseztatu zuen, berak uste zuelako pieza zuriak asko aktibatzen zirelako. Baina honen ondorioz aldaketa asko egon ziren, eta amaiera berdinduta batera heldu zen, baina Iosuk peoi bat gehiagorekin. Alfil amaiera batean zuriak hanka sartu zuen, baina Iosu, hain denbora gutxiekin, ezin izan zuen peoi amaiera ondo kalkulatu eta irabazteko aukera galdu zuen betirako. Berdinketa, baina Iosuk gehiago merezi zuen.

Luis Ángel – Fran Ladrón de Guevara 1-0

Maroczy estruktura batera iritsi zen aperturan, Luis Ángel saiatu zen estutzen baina beltza ondo defendatu zen. Konbinazio baten bitartez Luis Angelek aprobetxatu zuen pieza batzuk aldatzeko eta beltzen peoi katea zatitzeko, eta hau guztiz erabakigarri suertatu zen. Dorreen amaieran beltzak 3 ahulgune zaindu behar zituen, eta hori denbora gutxi dagoenean oso zaila da egitea. Oso garaipen ona Luis Angelentzat.

Jorge Arce – Félix 0-1

Zuriak egin zuen dena partida honetan. Apertura bariante ez-ohiko bat jokatu zuen, Db3 sistema katalan batean. Baina bere plana errege hegalean erasotzea zen eta beste 3 mugimendu behar izan zituen hara mugitzeko. Gero zuriak alfil bat sakrifikatu zuen h6-n, Félixek jan zuen eta oso ondo defendatu zuen. Azken emaitza ez zen inoiz dudatan egon.

Javi – Jose A. Landa 0-1

Javik ez zuen asmatu aperturaten hautaketarekin eta beltzak erraz berdindu zuen. Ondoren zuriak akats txiki bat egin zuen eta abantaila eta iniziatiba beltzen eskuetara erori zen. Javi saiatu zen kontrajokua lortzen eta ezin. Partida bukatu zuen Javi kalitatea galdu zuenean.

Betiko istorio berdina, emaitza ona baina hobe izan zitekeen. Aste honetan berriro Gasteizera, kasu honetan Calasanzen kontra jokatzera. Emaitza errepikatzen bada oso pozik bueltako gara.